غلاف کعبہ کو 3 میٹر بلند کردیا گیا، ایسا کیوں ہوتا ہے ؟

مکہ مکرمہ میں حکام نے حج 2024 کے آغاز سے قبل خانہ کعبہ کے غلاف کو زمین سے کم از کم تین میٹر اوپر کر کے تہہ کر دیا ہے۔

 کسوا - کعبہ کو ڈھانپنے والے سیاہ مخملی کپڑے کا عربی نام ہے، ھسے ہر سال حج کے موسم کے آغاز کے موقع پر تین میٹر بلند کردیا جاتا ہے اور پھر سال میں دوبار اسے تبدیل بھی کیا جاتا ہے۔

غلاف کعبہ کو تہہ کرنے کی ایک اور وجہ حج کے دوران اسے خراب ہونے سے بچانا ہے کیونکہ ہر سال لاکھوں عازمین مقدس فریضہ ادا کرنے کے لیے مکہ آتے ہیں۔

 تاہم حج سیزن 2024 کی تکمیل کے بعد 15 ذی الحج کو غلاف کعبہ تبدیل کیا جائے گا۔ کسوا کا مطلب ہے وہ غلاف جس پر سونے اور چاندی سے کڑھائی کی گئی ہو۔ یہ 75 سال پرانی فیکٹری میں بنایا گیا ہے، جو شاہ عبدالعزیز کی ہدایت پر بنائی گئی تھی۔

 اس کارخانے کے قیام سے قبل مقدس کپڑا مصر میں بنایا جاتا تھا۔ اس سال اب تک 160 ممالک سے 2 لاکھ 60 ہزار سے زائد عازمین حج کی ادائیگی کے لیے سعودی عرب پہنچ چکے ہیں۔

 حج اسلام کے پانچ ستونوں میں سے ایک ہے اور تمام مسلمانوں کو کم از کم ایک بار اسباب کے ساتھ کرنا چاہیے۔

 حج کا آغاز "طواف" سے ہوتا ہے - کعبہ کا طواف جس کی طرف دنیا بھر کے مسلمان ہر روز دعا کرتے ہیں۔ تیل کی دولت سے مالا مال سعودی عرب کے مغرب میں مکہ مکرمہ اور اس کے اطراف میں حج کے فرائض کی ادائیگی کا سلسلہ چار دنوں میں مکمل ہوجاتا ہے۔