گینڈے کی ٹکر سے موٹرسائیکل سوار ہلاک، دل دہلا دینے والی ویڈیو

بھارتی ریاست آسام کے جنگل سے گزرنے والے راستے پر ایک غصے سے بپھرے ہوئے گینڈے نے ٹکر مار کر موٹر سائیکل سوار کو ہلاک کردیا۔

اس واقعے کی ویڈیو سامنے آئی جس میں بپھرے ہوئے گینڈے کو سڑک پر جبکہ موٹرسائیکل سوار کو اُس سے کچھ فاصلے پر دیکھا جاسکتا ہے۔ گینڈے نے موٹرسائیکل سوار کو دیکھ کر اُس کی طرف دوڑنا شروع کیا تو شہری نے جان بچانے کیلیے کھائی کا راستہ اختیار کیا۔

اس کے بعد گینڈا بھی دوڑتا ہوا وہاں گیا اور پھر تماشہ دیکھنے والے شہری جب بعد میں پہنچے تو وہاں سے شہری کی لاش برآمد ہوئی۔