غزہ میں اسرائیلی فوج کا ہیلی کاپٹر گرکر تباہ، 2 فوجی واصل جہنم

غزہ میں اسرائیلی فوج کا ہیلی کاپٹر لینڈنگ کے دوران گر کر تباہ ہوگیا، جس کے نتیجے میں 2فوجی واصل جہنم ہوگئے۔

غیر ملکی ذرائع ابلاغ کے مطابق اسرائیلی فوج کے مطابق حادثہ بدھ کی صبح غزہ کے جنوبی علاقے رفح میں پیش آیا جس میں  2 فوجی ہلاک اور7 زخمی ہوگئے۔

اسرائیلی میڈیا کا اس حوالے سے کہنا ہے کہ ایک یو ایچ 60 بلیک ہاک ہیلی کاپٹر میڈیکل ٹیم کے ہمراہ غزہ سے ایک زخمی فوجی کے انخلا کے لیے گیا تھا۔جو حادثے کا شکار ہوگیا۔

تحقیقات کے مطابق ہیلی کاپٹر زیادہ اونچائی سے نہیں گرا لیکن پھر بھی حادثے میں ہیلی کاپٹر کو خاطر خواہ نقصان پہنچا اور اس میں سوار تمام افراد زخمی ہوگئے۔

اسرائیلی میڈیا کے مطابق حادثے کے بعد مجموعی طور پر 2 ہلاک اور 8 زخمی فوجیوں کو اسپتال منتقل کیا گیا جن میں وہ زخمی فوجی بھی شامل تھا جسے لے جانے کے لیے ہیلی کاپٹر بلایا گیا تھا۔