حماس کا 7 اکتوبر کا حملہ، اسرائیلی فوج کے سربراہ مستعفی

اسرائیلی فوج کے سربراہ میجر جنرل ہرزی حلوی نے استعفیٰ دے دیا اور 7 اکتوبر 2023 کو حماس کے حملے کے دوران فوج کی ناکامی کی ذمہ داری قبول کی۔

استعفیٰ کے خط میں اسرائیلی فوج کے سربراہ کا کہنا تھا کہ وہ اس نازک دن میں فوج کی کوتاہیوں میں اپنے کردار کو تسلیم کرنے کے بعد استعفیٰ دے رہے ہیں۔

انہوں نے فوج کی حالیہ کامیابیوں کے باوجود مستعفی ہونے کے اپنے فیصلے کا اظہار کیا۔

جنگ بندی معاہدے کے ایک حصے کے طور پر، حماس نے غزہ میں جارحیت کے دوران اسرائیلی ڈیفنس فورسز (IDF) کے زیر حراست 90 شہریوں کے بدلے میں اسرائیلی یرغمالیوں کو رہا کیا۔ خواتین اسرائیلی یرغمالیوں کو تحائف اور اسناد کے ساتھ ریڈ کراس کے حوالے کیا گیا۔

غور طلب ہے کہ چھ ہفتے کی جنگ بندی کے ابتدائی مرحلے میں وسطی غزہ سے اسرائیلی افواج کا بتدریج انخلا اور بے گھر فلسطینیوں کی شمالی غزہ میں واپسی شامل ہے۔

معاہدے کے تحت انسانی امداد کے 600 ٹرک روزانہ غزہ میں داخل ہوں گے جن میں ایندھن لے جانے والے 50 ٹرک بھی شامل ہیں۔ ان میں سے 300 ٹرک شمال کے لیے مختص کیے جائیں گے جہاں شہریوں کے لیے حالات ابتر ہیں۔