حماس نے ہفتے تک یرغمالی رہا نہ کیے تو۔۔۔ ٹرمپ کی خطرناک ترین دھمکی

امریکی صدر ڈونلڈ ٹرمپ نے فلسطین کی مزاحمت کار تنظیم حماس کو دھمکی دی ہے کہ اگر اسرائیلی یرغمالیوں کو رہا نہ کیا تو صورتحال بے قابو ہو جائے گی۔

میڈیا سے گفتگو کے دوران ایک سوال کے جواب میں ٹرمپ نے دھمکی دی اور کہا کہ ہفتے کو دن 12 بجے تک حماس نے اگر اسرائیلی یرغمالیوں کو رہا نہ کیا تو پھر بہت زیادہ نقصان ہوگا اور اس کے ذمہ دار وہی ہوں گے۔

ٹرمپ نے کہا کہ اگر ہفتے تک یرغمالی رہا نہ ہوئے تو اسرائیل کو غزہ امن معاہدے کو منسوخ کرنے کا کہہ دوں گا اور پھر سب کچھ ملیا میٹ ہوجائے گا اور کچھ باقی نہیں رہے گا۔

ٹرمپ نے کہا کہ یرغمالیوں کے بارے میں معلوم نہیں کہ وہ زندہ ہیں یا مرچکے ہیں۔