جارجیا نے ہم جنس پرستی پر سخت پابندیاں عائد کردیں

جارجیا نے خاندانی اقدار اور نابالغوں کے تحفظ ہم جنس پرستی پر بڑے پیمانے پر پابندیاں عائد کرنے کا فیصلہ کیا ہے۔

بین الاقوامی میڈیا رپورٹ کے مطابق جارجیا کے سیاست دانوں نے "خاندانی اقدار اور نابالغوں کے تحفظ" کے قانون کے تیسرے مرحلے کی منظوری دے دی جس میں ہم جنس پرستی پر پابندی عائد کی گئی ہے۔

حالیہ قانون سازی کے بعد جارجیا میں ہم جنسی پرستی کے فروغ کیلیے استعمال ہونے والے پرچم اور رنگوں کی نمائش کو غیر قانونی جبکہ ایسی تمام کتابوں پر پابندی بھی عائد کی گئی ہے۔

قانون کے تحت ہم جنس پرستوں کی شادی پر بھی پابندی عائد کی گئی ہے۔ اپوزیشن کی جانب سے اس قانون سازی کی شدید مخالفت کی گئی ہے۔

ایوان میں ہونے والی رائے سازی میں 84 ووٹ کے ساتھ بل کو منظور کرلیا گیا ہے۔

گورننگ جارجین ڈریم پارٹی کے رہنماؤں کا کہنا ہے کہ جارجیا میں "روایتی اخلاقی معیارات" کی حفاظت کی ضرورت ہے، جس کا قدامت پسند آرتھوڈوکس چرچ بہت زیادہ بااثر ہے۔