کویت کے سرکاری آئل سیکٹر کمپلیکس پر ڈرون حملہ، بڑے نقصان کا اندیشہ

کویت میں آئل سیکٹر کے ایک اہم کمپلیکس میں آگ لگنے کا واقعہ پیش آیا ہے، جس کی وجہ ڈرون حملہ بتایا جا رہا ہے۔

سرکاری خبر رساں ادارے کے مطابق شُوَیخ آئل سیکٹر کمپلیکس کو نشانہ بنایا گیا، جس کے بعد وہاں آگ بھڑک اٹھی۔ واقعے کے فوراً بعد فائر بریگیڈ اور ریسکیو ٹیمیں موقع پر پہنچ گئیں اور آگ پر قابو پانے کی کارروائیاں شروع کر دیں۔

حکام کا کہنا ہے کہ خوش قسمتی سے اس واقعے میں کسی جانی نقصان کی اطلاع نہیں ملی، تاہم صورتحال پر مکمل قابو پانے کیلئے امدادی سرگرمیاں جاری ہیں۔

ابتدائی اطلاعات کے مطابق سکیورٹی ادارے واقعے کی مزید تحقیقات کر رہے ہیں، جبکہ حساس تنصیبات کی حفاظت کیلئے اضافی اقدامات بھی کیے جا رہے ہیں۔