امارات، تمام مساجد میں نمازِ جمعہ و خطبے کا وقت یکساں مقرر

ابوظبہی: متحدہ عرب امارات کی تمام مساجد میں جمعے کی نماز اور خطبے کا وقت یکساں مقرر کر دیا گیا۔

ابوظبی سے اماراتی جنرل اتھارٹی برائے اسلامی امور کے مطابق نیا نظام 2 جنوری 2026 سے نافذ العمل ہو گا۔

جنرل اتھارٹی برائے اسلامی امور نے بتایا ہے کہ یو اے ای کی تمام مساجد میں جمعے کا خطبہ اور نماز ایک ہی وقت پر 12 بج کر 45 منٹ پر ادا کی جائے گی۔

اوقافِ اسلامی کے اعلان مطابق پورے ملک میں خطبے اور نماز کا وقت یکساں ہو گا اور نیا نظام 2 جنوری 2026 سے نافذ ہو گا۔

اس سے پہلے دبئی اور ابوظبی میں جمعے کی نماز عام طور پر 1:30 بجے جبکہ شارجہ اور شمالی امارات میں 12:30 بجے کے قریب ہوتی تھی لیکن اب پورے ملک میں ایک ہی وقت مقرر کیا گیا ہے۔