امریکا کا ایک ملک کے سفیر کو ڈی پورٹ کرنے کا اعلان

امریکا کے وزیر خارجہ مارکو روبیو نے جنوبی افریقہ کے سفیر ابراہیم رسول کو "پرسونا نان گریٹا" (ناپسندیدہ شخصیت) قرار دیتے ہوئے انہیں ملک بدر کرنے کا اعلان کیا ہے۔

وزیر خارجہ نے سماجی میڈیا پلیٹ فارم 'ایکس' پر ایک بیان جاری کرتے ہوئے کہا کہ ابراہیم رسول رنگ و نسل کی بنیاد پر لوگوں کو نشانہ بنانے والے سیاست دان ہیں جو صدر ٹرمپ اور امریکا سے نفرت کا اظہار کرتے ہیں۔

انہوں نے واضح کیا کہ امریکا میں جنوبی افریقہ کے سفیر کا اب کوئی خیرمقدم نہیں کیا جائے گا۔

وزیر خارجہ کے بیان کے مطابق، ابراہیم رسول کے رویے اور بیانات کی وجہ سے انہیں ناپسندیدہ شخصیت قرار دیا گیا ہے۔

واشنگٹن میں واقع جنوبی افریقہ کے سفارت خانے کی جانب سے اب تک اس اعلان پر کوئی رسمی ردعمل سامنے نہیں آیا ہے۔ یہ اقدام ایسے وقت میں سامنے آیا ہے جب امریکا اور جنوبی افریقہ کے تعلقات کشیدگی کا شکار ہیں۔

اس فیصلے سے دونوں ممالک کے درمیان موجودہ تناؤ میں مزید اضافہ ہونے کا خدشہ ہے۔

امریکا کی جانب سے یہ قدم جنوبی افریقہ کے ساتھ سفارتی تعلقات میں ایک نئی پیچیدگی کا اشارہ دیتا ہے۔