امریکا میں قاسم سلیمانی کی بھتیجی اور نواسی گرفتار

امریکی وزارتِ خارجہ نے کہا ہے کہ ایران کے سابق فوجی کمانڈر قاسم سلیمانی کی بھتیجی حمیدہ سلیمانی افشار اور ان کی بیٹی کو حراست میں لے لیا گیا ہے۔

ہفتے کے روز جاری بیان کے مطابق امریکی وزیرِ خارجہ مارکو روبیو کے مطابق دونوں خواتین کی مستقل رہائش کی اجازت (گرین کارڈ) منسوخ کر دی ہے۔

حکام کے مطابق وہ اس وقت امریکی ادارہ برائے امیگریشن و کسٹمز (آئس) کی تحویل میں ہیں اور انہیں ملک سے نکالنے کا عمل جاری ہے۔

مارکو روبیو نے سوشل میڈیا پلیٹ فارم ایکس پر جاری بیان میں کہا کہ دونوں خواتین امریکا میں رہائش پذیر تھیں، تاہم اب ان کے خلاف کارروائی کی جا رہی ہے۔

امریکی وزارتِ خارجہ کا کہنا ہے کہ حمیدہ سلیمانی افشار ایرانی حکومت کی حمایت کرتی رہی ہیں اور سوشل میڈیا کے ذریعے اس کا مؤقف پیش کرتی تھیں۔

بیان میں مزید کہا گیا ہے کہ ان کے شوہر پر بھی امریکہ میں داخلے پر پابندی عائد کر دی گئی ہے، تاہم ان کا نام ظاہر نہیں کیا گیا۔

واضح رہے کہ قاسم سلیمانی سن 2020 میں عراق میں ایک امریکی فضائی حملے میں مارے گئے تھے، جو اُس وقت کے امریکی صدر ٹرمپ کے حکم پر کیا گیا تھا۔