امریکا میں آتشزدگی کے بعد لوٹ مار، کرفیو نافذ کردیا گیا

امریکی ریاست کیلی فورنیا کے شہر لاس اینجلس کے جنگلات لگنے والی آگ کے بعد لوٹ مار اور چوری کی وارداتیں روکنے کیلیے کرفیو نافذ کردیا گیا ہے۔

بین الاقوامی میڈیا رپورٹ کے مطابق جنگلات میں لگی آگ کے زیر اثر آنے والے ہزاروں گھروں میں لوٹ مار اور چوری کی بڑھتی وارداتوں کے بعد مقامی انتظامیہ نے رات کے وقت کرفیو کے نافذ کا اعلان کردیا۔

چوری کی بڑھتی وارداتوں کے بعد رہائشیوں نے اپنے بچے کچے سامان کی حفاظت کیلیے گلیوں میں گشت بھی کرنا شروع کردیا ہے جبکہ کچھ لوگ گھروں کی حفاظت کے لیے ہتھیاروں سے مسلح ہوکر  نگرانی بھی کررہے ہیں۔

کرفیو کے نفاذ کے بعد پولیس نے اعلان کیا ہے کہ اگر رات کے وقت کسی نے خلاف ورزی کی تو پھر اُسے گرفتار کرلیا جائے گا اور 6 ماہ قید کے ساتھ ایک ہزار ڈالر جرمانہ بھی عائد کیا جائے گا۔