امریکی ناکہ بندی، ایران نے اقوام متحدہ کو خط لکھ دیا

ایران نے اقوام متحدہ سے مطالبہ کیا ہے کہ وہ امریکی کارروائی کی سخت مذمت کرے، جس میں ایرانی پرچم والے ایک تجارتی جہاز کو قبضے میں لینے کا الزام عائد کیا گیا ہے۔

ایرانی مشن نے اقوام متحدہ کی سلامتی کونسل کو ارسال کردہ خط میں کہا ہے کہ یہ واقعہ عمان کی سمندری حدود کے قریب پیش آیا اور یہ بین الاقوامی قوانین کی سنگین خلاف ورزی ہے۔

بیان میں کہا گیا کہ یہ اقدام جنگ بندی کی خلاف ورزی اور جارحیت کے مترادف ہے، جسے قزاقی سے بھی تعبیر کیا جا سکتا ہے۔

ایرانی حکام کے مطابق اس طرح کی کارروائیاں عالمی بحری راستوں کے لیے خطرہ بن سکتی ہیں اور بین الاقوامی جہاز رانی کے تحفظ کو نقصان پہنچا سکتی ہیں۔