نائیجیریا، مسجد میں بم دھماکے سے 7 نمازی جاں بحق

 ابوجہ: افریقی ملک نائجیریا کے شمال مشرقی شہر مائیڈوگوری میں مسجد میں بم دھماکے کے نتیجے میں کم از کم 7 نمازی جاں بحق ہو گئے۔

خبر رساں ادارے نے سکیورٹی ذرائع کے حوالے سے بتایا کہ دھماکا نماز کے دوران ہوا، جس سے مسجد کونقصان پہنچا۔

دھماکے کے بعد علاقے میں خوف و ہراس پھیل گیا ،سکیورٹی فورسز نے جائے وقوعہ کو گھیرے میں لے کر تحقیقات شروع کر دیں۔

تاحال کسی مسلح گروہ نے حملے کی ذمہ داری قبول نہیں کی۔