پہلگام حملے کے بعد سیما حیدر کو ہندوستان چھوڑنے کا حکم

پاکستانی خاتون سیما حیدر جو محبت کی خاطر بھارت چلی گئی تھی اورایک بھارتی شہری سے شادی کر لی تھی، حالیہ پہلگام واقعے کے بعد اب سفارتی بحران میں پھنس گئی ہے۔

اطلاعات کے مطابق انہیں حکومت کی نئی ہدایات کے تحت تین دن کے اندر اندر ہندوستان چھوڑنے کا حکم دیا گیا ہے۔

انڈیا ٹوڈے کے مطابق، پہلگام حملے کے بعد جس میں سیاحوں کی جانیں گئیں، ہندوستانی حکومت نے لازمی قرار دیا کہ تمام پاکستانی شہریوں کو اپریل کے آخر تک ملک سے باہر نکل جانا چاہیے۔

سیما حیدر کے وکیل اے پی سنگھ بڑھتی ہوئی دشمنی کے باوجود پرامید ہیں، دلیل دیتے ہیں کہ سیما کو ان احکامات سے مستثنی ہونا چاہیے کیونکہ وہ اب پاکستانی شہری نہیں ہیں۔

اے پی سنگھ نے زور دے کر کہا کہ سیما نے اب گریٹر نوئیڈا میں رہنے والے سچن مینا سے شادی کر لی ہے، اور حال ہی میں ایک بیٹی کو جنم دیا ہے جس کا نام بھارتی مینا ہے۔

انہوں نے زور دے کر کہا کہ اس کی قانونی حیثیت کو اس کے شوہر کی ہندوستانی شہریت سے منسلک سمجھا جانا چاہئے اور اس طرح ہندوستان کی حالیہ ہدایات کا ان پر اطلاق نہیں ہونا چاہئے۔

سنگھ نے مزید وضاحت کی کہ سیما کا معاملہ الگ ہے کیونکہ وہ پہلے ہی انسداد دہشت گردی اسکواڈ کے زیر تفتیش ہے اور اس نے ضمانت کی تمام شرائط کی تعمیل کی ہے۔