پہاڑی علاقوں کے رہائشیوں نے دو جدید امریکی ہیلی کاپٹر گرا دیے، ایران

ایران نے دعویٰ کیا ہے کہ پہاڑی علاقوں میں رہنے والے دو خانہ بدوش قبائل نے امریکی افواج کے دو بلیک ہاک ہیلی کاپٹرز کو نشانہ بنایا ہے۔

پاسدارانِ انقلاب کی جانب سے جاری بیان میں کہا گیا ہے کہ صوبہ کہگیلویہ و بویراحمد کے دور دراز پہاڑی علاقوں میں مقیم خانہ بدوش اور بختیاری قبائل نے یہ کارروائی کی۔ بیان کے مطابق ان علاقوں میں ایرانی مسلح افواج موجود نہیں تھیں۔

دوسری جانب اس معاملے پر مؤقف جاننے کے لیے بی بی سی نے امریکی سینٹ کام سے رابطہ کیا ہے۔

واضح رہے کہ خانہ بدوش اور بختیاری قبائل ایران کے ایسے قبائلی گروہ ہیں جو عموماً پہاڑی علاقوں میں رہتے ہیں اور اپنی بھیڑ بکریوں اور خیموں کی حفاظت کے لیے اسلحہ ساتھ رکھتے ہیں۔