پاکستان کی غزہ کے مظلومین کیلیے بھیجی گئی امداد کی ساتویں کھیپ مصر پہنچ گئی

پاکستان کی جانب سے انسانی ہمدردی کی بنیاد پر غزہ کے لیے بھیجی گئی 350 ٹن امداد کی ساتویں کھیپ مصر کے پورٹ سعید پہنچ گئی۔

پاکستان نے فلسطینی بھائیوں اور بہنوں کے لیے انسانی امداد کی ساتویں کھیپ پورٹ سعید پر مصری ریڈ کریسنٹ کے حوالے کی۔

پاکستانی سفارت خانے کی جانب سے امداد موصول ہونے کی تصدیق کی گئی، اس حوالے سے جاری اعلامیے میں بتایا گیا ہے کہ 350 ٹن امداد میں اشیائے ضروریہ، خوراک، ادویات، ادویات اور خیمے سمیت دیگر چیزیں شامل ہیں۔