پوپ فرانسس کی طبیعت اب کیسی ہے؟ نئی اپ ڈیٹ

پیر کی صبح ویٹیکن کی جانب سے جاری کردہ بیان کے مطابق عیسائیوں کے مذہبی روحانی پیشوا پوپ فرانسس کی حالت بہتر ہے تاہم وہ ہوش میں نہیں ہیں۔

ویٹی کن کے مطابق پوپ فرانسس نے اتوار کی رات آرام اور سکون سے گزاری تاہم وہ ہوش میں نہیں آسکے۔

88 سالہ پوپ کو پھیپھڑوں کے انفیکشن کی وجہ سے ہسپتال میں داخل کیا گیا تھا اور اب وہ اپنے علاج کے دسویں دن میں داخل ہوچکے ہیں۔

 ان کی طبی حالت میں گردوں کے کام بند ہونے کی ابتدائی علامات بھی شامل ہیں، لیکن ڈاکٹروں کا کہنا ہے کہ یہ علامات کنٹرول میں ہیں۔

اتوار کی رات کی میڈیکل رپورٹس کے مطابق، خون کے ٹیسٹوں میں گردوں کے افعال میں کمی کی ابتدائی علامات پائی گئیں، لیکن ڈاکٹروں نے انہیں کنٹرول میں بتایا۔ 

پوپ فرانسس کی حالت اب بھی تشویشناک ہے، لیکن ہفتے کے بعد سے انہیں سانس لینے میں کوئی نیا بحران پیش نہیں آیا۔ انہیں اضافی آکسیجن فراہم کی جا رہی ہے۔

ویٹیکن نے یہ واضح نہیں کیا کہ تازہ بیان کے وقت پوپ فرانسس بیدار تھے یا نہیں، لیکن ان کی صحت کی صورتحال پر مسلسل نظر رکھی جا رہی ہے۔