اقوام متحدہ کے اجلاس میں غزہ سے متعلق قرار داد منظور

اقوام متحدہ کی سیکیورٹی کونسل نے غزہ میں امداد کی مسلسل ترسیل اور یرغمالیوں کی رہائی سمیت تنازع کے خاتمے کے حق میں قرار داد منظور کرلی۔

اقوام متحدہ کی سیکیورٹی کونسل کے اجلاس میں پیش کی گئی قرار داد پر ووٹنگ ہوئی، جس میں 13 ووٹ آئے جبکہ امریکا اور روس نے ووٹنگ میں حصہ نہیں لیا۔

واضح رہے کہ مذکورہ قرارداد کو گزشتہ ہفتے امریکا نے اپنے اثر و رسوخ پر کارروائی سے نکلوادیا تھا۔

قرارداد  میں "تنازع کے پائیدار خاتمے کے لیے حالات پیدا کرنے کا مطالبہ بھی کیا گیا ہے۔ دلچسپ بات یہ ہے کہ سیکیورٹی کونسل کے اجلاس میں کسی بھی ملک نے اس قرار داد کی مخالفت نہیں کی۔

یہ ووٹ مہینوں سے جاری تنازعے کو ختم کرنے کے لیے بین الاقوامی مطالبات کے درمیان سامنے آیا ہے، کیونکہ اسرائیلی افواج جدید تاریخ کی سب سے تباہ کن مہموں میں سے ایک کے ساتھ غزہ پر حملہ کر رہی ہیں اور محصور پٹی میں انسانی حالات نازک سطح پر پہنچ گئے ہیں۔