سعودی عرب میں 22 حجاج گرفتار ، تعلق کس ملک سے ہے؟

سعودی عرب میں غیر قانونی طور پر حج کیلیے آنے والے 22 غیر ملکی عازمین کو حراست میں لے لیا گیا ہے۔

سعودی عرب نے منگل کے روز مدینہ سے 9 کلومیٹر کی مسافت پر واقع مسجد ذوالخلیفہ میں موجود 24 عازمین کو شک کی بنیاد پر حراست میں لیا۔

ان میں سے دو عازمین اپنے کاغذات رکھا کر حکام کو مطمئن کرنے میں کامیاب ہوئے جس پر انہیں رہا کردیا گیا جبکہ 22 انڈونیشی عازمین کوئی ثبوت فراہم نہیں کرسکے۔

عرب میڈیا کے مطابق غیر ملکی عازمین سعودی عرب میں مقیم اور بغیر اجازت حج کے خواہش مند تھےدوسری جانب انڈونیشیا نے اپنے شہریوں کی سعودی عرب میں گرفتاری کی تصدیق کرتے ہوئے قونصلر رسائی مانگی ہے۔