سابق امریکی صدر جوبائیڈن کا ٹرمپ پر سنگین الزام

نیویارک: سابق امریکی صدر جو بائیڈن نے موجودہ صدر ڈونلڈ ٹرمپ پر شدید تنقید کرتے ہوئے الزام عائد کیا ہے کہ ٹرمپ وائٹ ہاؤس میں دوبارہ واپس آنے کے بعد اب تک اربوں ڈالر کما چکے ہیں۔

ایک تقریب سے خطاب کرتے ہوئے جو بائیڈن نے کہا کہ ڈونلڈ ٹرمپ کی آمدنی میں ہونے والا حالیہ اضافہ انتہائی حیران کن ہے، انہیں کسی بات کی کوئی شرم نہیں اور نہ ہی وہ کسی چیز کی پروا کرتے ہیں۔

 حقیقت تو یہ ہے کہ صدارتی منصب کا استعمال کر کے پیسہ بنانا ان چند بنیادی وجوہات میں سے ایک تھا جس کے لیے وہ دوبارہ صدر بننا چاہتے تھے۔

انہوں نے مزید کہا کہ ٹرمپ نے اپنے اقدامات سے جان بوجھ کر نیٹو جیسے اہم ترین عالمی اتحاد کو کمزور اور تباہ کیا، اور امریکی اتحادیوں کو پسِ پشت ڈال کر روسی صدر ولادیمیر پیوٹن کو ترجیح دی۔