اسرا ئیل کی ایرانی شہریوں کو سخت وارننگ، حملے جاری رکھنے کا اعلان

 اسرا ئیلی فوج نے تہران میں فوجی تنصیبات اور اہداف پر حملے جاری رکھنے کا اعلان کرتے ہوئے شہریوں کو ان مقامات سے دور رہنے کی ہدایت کردی ہے۔

 اسرا ئیلی فوج نے شہریوں کو وارننگ دی کہ اگر وہ اپنا نقصان نہیں چاہتے تو پھر ان تصیبات سے دور ہوجائیں۔

دوسری جانب ایرانی پارلیمنٹ نے آبنائے ہرمز کو بند کرنے کی منظوری دے دی ہے اور اس اقدام کا حتمی فیصلہ ملک کے اعلی ترین سکیورٹی ادارے کی منظوری سے مشروط ہے۔ اس آبنائے کو بند کرنے کا حتمی فیصلہ ابھی تک نہیں کیا گیا۔

 اس کے ذریعے تقریبا 20 فیصد عالمی تیل اور گیس کا بہا ئوہوتا ہے۔

میڈیارپورٹس کے مطابق ایران اور سلطنت عمان کے درمیان آبنائے ہرمز، جس کی چوڑائی تقریبا 55 کلومیٹر ہے، عالمی تیل کی برآمدات کے لیے ایک بڑا جہاز رانی کا راستہ ہے۔21 ملین بیرل سے زیادہ تیل روزانہ آبنائے ہرمز سے گزرتا ہے۔

مائع قدرتی گیس کی برآمدات کا ایک تہائی حصہ یہاں سے گزرتا ہے اور اسطرح یہ دنیا کے حساس ترین چوکیوں میں سے بن جاتی ہے۔