اسرائیل کا علی لاریجانی کو نشانہ بنانے کا دعویٰ

اسرائیلی میڈیا نے دعویٰ کیا ہے کہ اسرائیلی فوج نے ایران کے سکیورٹی چیف علی لاریجانی کو نشانہ بنایا ہے، تاہم فوری طور پر یہ واضح نہیں کہ وہ شہید ہو گئے یا زخمی ہیں ؟

ایرانی میڈیا نے اسرائیلی دعوے کی تردید کی ہے اور کہا کہ بہت جلد علی لاریجانی کا پیغام جاری کیا جائے گا۔

دوسری جانب غیر ملکی خبر ایجنسیوں نے رپورٹ کیا کہ ایران کے دارالحکومت تہران کے مرکزی علاقے میں دھماکے سنے گئے ہیں، لیکن ابھی تک یہ واضح نہیں کہ کن مقامات کو نشانہ بنایا گیا۔