اسرائیلی فوج نے لبنان میں پورا گاؤں ملیا میٹ کردیا

جنوبی لبنان میں اسرائیلی فوج کی کارروائیوں کے دوران متعدد دیہات کو مکمل طور پر تباہ کیے جانے کی اطلاعات سامنے آئی ہیں۔

غیر ملکی ذرائع کے مطابق طیبہ، نقورہ اور دیر سریان سمیت مختلف علاقوں میں بڑے پیمانے پر دھماکوں کے ذریعے رہائشی علاقوں کو نشانہ بنایا گیا، جس کے نتیجے میں مکانات ملبے کا ڈھیر بن گئے۔

انسانی حقوق کی تنظیموں نے اس وسیع تباہی پر شدید تشویش کا اظہار کرتے ہوئے کہا ہے کہ گھروں کی اس طرح تباہی کو "ڈومیسائیڈ" قرار دیا جا رہا ہے، جو ممکنہ طور پر جنگی جرم کے زمرے میں آ سکتا ہے۔

مقامی افراد کا کہنا ہے کہ انہوں نے نہ صرف اپنے گھر بلکہ اپنے روزگار اور ذاتی یادیں بھی کھو دی ہیں، جبکہ بڑی تعداد میں لوگ ایک بار پھر بے گھر ہونے پر مجبور ہو گئے ہیں۔