تاجکستان کے مفتی اعظم پر قاتلانہ حملہ

تاجکستان کے مفتی اعظم پر چاقو بردار شخص نے قاتلانہ حملہ کیا جس میں وہ معجزانہ طور پر محفوظ رہے ہیں۔

تفصیلات کے مطابق مفتی اعظم سعید مکرم عبدالقدیر زادے چاقو بردار شخص کے حملے میں جمعرات کے روز بال بال بچ گئے۔

حملہ اُس وقت ہوا جب وہ دارالحکومت میں جامع مسجد سے نماز ادا کر کے باہر نکلے تھے۔ چاقو بردار شخص کے حملے میں مفتی اعظم معمولی زخمی ہوئے جنہیں طبی امداد کے بعد گھر روانہ کردیا گیا ہے۔

بیان میں کہا گیا ہے کہ حملہ آور کو حراست میں لے لیا گیا جس سے تفتیش کی جا رہی ہے۔ تاہم بیان میں ملزم کی شناخت ظاہر نہیں کی گئی اور نہ ہی حملے کے محرک کا پتا چل سکا۔