’ٹرمپ امن کے علمبردار ہیں تو اسرائیلیوں کا الاسکا منتقل کردیں‘

سعودی عرب کی شوریٰ کونسل کے رکن یوسف بن طراد السعدون نے غزہ کے معاملے پر ہمدردی جتانے والے امریکی صدر کو تنقید کا نشانہ بناتے ہوئے کہا ہے کہ ٹرمپ امن کے اتنے علمبردار ہیں تو اسرائیلیوں کا الاسکا منتقل کردیں۔

شوریٰ کونسل کے رکن نے مقامی اخبار میں ایک مضمون لکھا اور اُس میں کہا کہ اسرائیلیوں کے ساتھ الحاق کے بعد ٹرمپ گرین لینڈ بھی آباد کرسکتے ہیں۔

رکن سعودی شوریٰ کونسل نے کہا کہ ٹرمپ کی مشرق وسطیٰ سے متعلق پالیسیاں احمقانہ، غیر منطقی اور یکطرفہ ہیں، وہ سعودی عرب اور اتحادیوں پر دباؤ ڈال کر اسرائیل کی ریاست کو تسلیم کروانا چاہتا ہے۔

السعدون کے مطابق انسانی تاریخ یہودیوں کی فتنہ پروری اور سازشوں سے واقف ہے۔  رکن سعودی شوریٰ کونسل نے کہا کہ تیرہویں اور سولہویں صدی میں یورپی ممالک نے یہودیوں کو ملک بدر کیا، امریکی پالیسی میں غیرقانونی قبضہ اور مقامیوں کی نسل کشی شامل ہے۔