یہودیوں کے حملے میں زخمی آسکر ایوارڈ یافتہ فلسطینی ڈائریکٹر تاحال لاپتہ

اسرائیلی فوج کی بمباری سے صحافی سمیت مزید61 فلسطینی شہید ہوگئے جبکہ 

رفح کے محاصرے کے بعد ہزاروں فلسطینی محصور ہوگئے اور اسرائیل میں جنگ بندی کے مطالبے پر مظاہرے کیے جارہے ہیں۔ 

تفصیلات کے مطابق آسکر جیتنے والے فلسطینی فلم ڈائریکٹر حمدان بلال پر مسلح آبادکاروں نے حملہ کر کے بدترین تشدد کا نشانہ بنایا جبکہ، اسرائیلی فوج نے انہیں اسپتال منتقلی کے بجائگ نامعلوم مقام پر منتقل کیا ۔

عینی شاہدین کے مطابق، 15 اسرائیلی آبادکاروں نے حمدان کے سر اور پیٹ پر شدید تشدد کیا اور ان کے گھر پر چھاپہ مارا۔ 

حمدان نے اپنی آسکر یافتہ ڈاکیومینٹری "NO OTHER LAN'' میں مغربی کنارے میں فلسطینیوں کے خلاف مظالم کو بے نقاب کیا تھا۔  

فلسطینی ہدایتکار یووال ابراہم کا کہنا ہے کہ اسرائیلی فوج نے انہیں ایمبولینس سے زبردستی اٹھا کر لاپتہ کر دیا۔

عرب میڈیا رپورٹ کے مطابق تشدد کیوجہ سے فلم ڈائریکٹر کی حالت تشویشناک ہے تاہم اسرائیلی فوج نے گرفتاری ظاہر کی اور نہ تصدیق کی ہے۔