ایران کے محب وطن لوگ احتجاج جاری رکھیں، مدد پہنچ رہی ہے، ٹرمپ کا بڑا دعویٰ

واشنگٹن: جنگی جنون اور طاقت کے نشے میں چور امریکی صدر ڈونلڈ ٹرمپ نے ایران میں جاری مظاہروں کے حوالے سے بیان دیتے ہوئے کہا ہے کہ ایران کے محب وطن لوگ احتجاج جاری رکھیں، مدد پہنچنے والی ہے۔

امریکی صدر کا اپنے سوشل میڈیا پلیٹ فارم ٹروتھ سوشل پر جاری پیغام میں کہنا تھا کہ ایران کے محب وطن لوگ احتجاج جاری رکھیں، اپنے اداروں پر قبضہ کرلیں۔

ٹرمپ کا کہنا تھا کہ قاتلوں اور ظلم کرنے والوں کے نام یاد رکھیں، انہیں بہت بڑی قیمت چکانی پڑے گی۔

امریکی صدر کا کہنا تھا کہ انہوں نے ایرانی حکام کے ساتھ اپنی تمام ملاقاتیں اس وقت تک منسوخ کردی ہیں جب مظاہرین کا قتل عام بند نہیں کیا جاتا۔