ایران پر امریکی شرائط تھوپی نہیں جاسکتیں، سابق ایرانی وزیر خارجہ

ایران کے سابق وزیرِ خارجہ جواد ظریف نے امریکا کے ساتھ حالیہ مذاکرات کی ناکامی پر ردعمل دیتے ہوئے کہا ہے کہ کسی بھی فریق کی شرائط پر بات چیت کامیاب نہیں ہو سکتی۔

سوشل میڈیا پر جاری اپنے بیان میں انہوں نے سوال اٹھایا کہ مذاکرات کامیاب کیوں نہیں ہوئے، اور اس کے بعد امریکی نائب صدر JD Vance کے بیان کا حوالہ دیا جس میں کہا گیا تھا کہ ایران نے ان کی شرائط قبول نہیں کیں۔

سابق وزیرِ خارجہ نے اس پر تبصرہ کرتے ہوئے کہا کہ یہی اصل مسئلہ ہے، کیونکہ ایران کے ساتھ کوئی بھی مذاکرات اس بنیاد پر کامیاب نہیں ہو سکتے کہ ایک فریق اپنی شرائط مسلط کرے۔

انہوں نے مزید کہا کہ امریکا کو یہ بات سمجھنی چاہیے کہ ایران پر اپنی شرائط نہیں تھوپی جا سکتیں، اور ابھی بھی سیکھنے کا وقت موجود ہے۔