ایرانی صدر کا امریکی عوام کے نام کھلا خط

ایران کے صدر مسعود پزشکیان نے امریکی عوام کے نام ایک کھلا خط لکھتے ہوئے کہا ہے کہ ایران نے کبھی جارحیت کا راستہ اختیار نہیں کیا۔

اپنے خط میں انہوں نے کہا کہ ایران ایک قدیم تہذیب کا حامل ملک ہے جس کی تاریخ صدیوں پر محیط ہے۔ ان کے مطابق جدید دور میں بھی ایران نے نہ تو توسیع پسندی، نہ نوآبادیاتی سوچ اور نہ ہی کسی پر غلبہ حاصل کرنے کی پالیسی اپنائی۔

انہوں نے مؤقف اختیار کیا کہ ایران نے کسی جنگ کا آغاز نہیں کیا، بلکہ جب بھی اس پر حملہ ہوا اس نے اس کا بھرپور جواب دیا۔

ایرانی صدر کا کہنا تھا کہ ایران کو خطرہ بنا کر پیش کرنا تاریخی حقائق اور موجودہ حالات کے برعکس ہے، اور یہ تاثر بعض طاقتور حلقوں کی سیاسی و معاشی ترجیحات کا نتیجہ ہے، جو اپنے مفادات کے لیے دشمن کا تصور قائم رکھتے ہیں۔