ایرانی اسپیکر کا جنگی کامیابی کو قومی ریکارڈ کا حصہ بنانے پر زور

ایران کے پارلیمانی اسپیکر محمد باقر قالیباف نے کہا ہے کہ ایران حالیہ جنگ میں کامیاب رہا اور اب اس کامیابی کو قانونی، سیاسی اور تاریخی سطح پر باقاعدہ دستاویزی شکل دی جانی چاہیے۔

میڈیا رپورٹس کے مطابق محمد باقر قالیباف کا کہنا تھا کہ حالیہ تنازع کے دوران حاصل ہونے والی کامیابیاں صرف عسکری میدان تک محدود نہیں رہنی چاہئیں بلکہ انہیں قومی تاریخ اور سرکاری ریکارڈ کا حصہ بنایا جانا ضروری ہے۔

انہوں نے کہا کہ ایرانی عوام اور مسلح افواج نے مشکل حالات میں ملک کا دفاع کیا، اس لیے اس دور کے تمام اہم واقعات، تجربات، نقصانات اور کامیابیوں کو تفصیلی رپورٹس اور سرکاری دستاویزات میں محفوظ کیا جانا چاہیے تاکہ آئندہ نسلیں بھی ان سے رہنمائی حاصل کر سکیں۔

اسپیکر نے مزید کہا کہ جنگ سے حاصل ہونے والے اسباق کو محفوظ رکھنا مستقبل کی منصوبہ بندی اور قومی حکمتِ عملی کے لیے بھی اہم ہوگا۔