یروشلم میں کوریج کے دوران انتہا پسند اسرائیلیوں کا فلسطینی صحافی پر بدترین تشدد

اسرائیلی آباد کاروں کے ایک ہجوم نے بدھ کے روز ایک فلسطینی صحافی پر اس وقت حملہ کیا جب وہ بدھ کے روز مقبوضہ مشرقی یروشلم کے اولڈ سٹی میں نام نہاد فلیگ مارچ کی کوریج کر رہے تھے، جس میں 5 جون 1967 کو اس تاریخی علاقے پر اسرائیل کے مکمل قبضے کی نشان دہی کی گئی۔

 سیف القواسمی پر ہجوم کے حملے جسمانی تشدد کی تصاویر سوشل میڈیا پر گردش کر رہی ہیں، جس میں اسرائیلی آباد کاروں کے اسلاموفوبک رویے کی وسیع پیمانے پر مذمت کی گئی ہے۔

 دوسری تصاویر میں اسرائیلی صحافی نیر حسون کو اپنے ساتھی کی حفاظت کے لیے قدم بڑھاتے ہوئے دیکھا گیا، تاہم انتہا پسند اسرائیلی یہودیوں نے انہیں تشدد کا نشانہ نہیں بنایا۔

 متعدد صحافیوں کو ہجوم نے ہراساں کیا کیونکہ اسرائیلی پولیس تشدد کا سہارا لینے والے شرپسندوں کو قابو کرنے میں ناکام رہی اور نوعمروں نے بغیر کسی وجہ کے پریس کے ارکان پر حملہ کیا۔

 دائیں بازو کے اسرائیلی وزیر برائے قومی سلامتی Itamar Ben Gvir مقبوضہ بیت المقدس میں فلیگ مارچ میں شامل ہوئے اور اشتعال انگیز دعوے کئے۔ 

 "ہم حماس کو پیغام بھیجتے ہیں۔ یروشلم ہمارا ہے۔ دمشق کا دروازہ ہمارا ہے۔ ہیکل کا پہاڑ ہمارا ہے۔" 

 اسرائیلی پولیس کے مطابق صحافیوں پر حملہ کرنے کے الزام میں پانچ افراد کو گرفتار کیا گیا۔