یو اے ای میں پولیس افسر بن کر بھارتیوں کو لوٹنے والے 4 پاکستانیوں کو قید کی سزا

متحدہ عرب امارات کی عدالت نے نقلی پولیس افسران کا روپ دھار کر دو بھارتی شہریوں کو اغوا کرنے والے چار پاکستانیوں کو قید اور 10 لاکھ جرمانے کی سزا دے دی۔

خلیج ٹائمز کی رپورٹ کے مطابق عدالت نے چار پاکستانیوں کو دو دو سال قید کی سزا سنائی گئی ہے اور پولیس افسران کی نقالی کرنے، دو ہندوستانی شہریوں کو اغوا کرنے پر 10 لاکھ AED کا اجتماعی جرمانہ ادا کرنے کا حکم دیا ہے۔

عدالتی حکم کے مطابق قید کی سزا مکمل ہونے کے بعد چاروں پاکستانیوں کو ملک بدر کردیا جائے گا۔

عرب میڈیا رپورٹ کے مطابق یہ واقعہ 29 مارچ کو الرفا پولیس اسٹیشن کی حدود میں پیش آیا۔عدالتی ریکارڈ کے مطابق، متاثرین کے پاس بڑی رقم تھی اور پھر ایک پاکستانی ڈرائیور نے اپنے تین ساتھیوں کے ساتھ مل کر پولیس اہلکار بن کر انہیں اغوا کیا پھر ساری رقم لے کر چلتے بنے۔

واقعے کے دن، متاثرین کو دبئی کے گولڈ سوک میں ڈرائیو کرتے ہوئے، ڈرائیور نے گینگ کو متاثرین کے ٹھکانے سے آگاہ کیا۔ اس کے بعد انہوں نے ایک سیاہ Kia گاڑی میں متاثرین کا پیچھا کیا۔ المنخول کے قریب، گینگ کے دو ارکان نے پولیس افسر ظاہر کیا اور متاثرین کو علیحدہ گاڑیوں میں بٹھا دیا۔

گینگ متاثرین کو النہدہ لے گیا، جہاں انہوں نے رہا کرنے سے پہلے 10 لاکھ AED، دو موبائل فونز اور دو بٹوے چرائے۔ متاثرین نے فوری طور پر حکام کو واقعے کی اطلاع دی، جس کے نتیجے میں تحقیقات شروع ہوئیں اور بعد میں پانچ مشتبہ افراد کو گرفتار کر لیا گیا۔

ایک ملزم کی شناخت اس کارروائی کے ماسٹر مائنڈ کے طور پر ہوئی جبکہ دو دیگر نے پولیس افسران کی نقالی اور ڈکیتی کی وارداتوں میں اہم کردار ادا کیا ہے۔

پانچویں ملزم کو، جو پاکستانی بھی ہے، ناکافی شواہد کی بنا پر بری کر دیا گیا، کیونکہ شہادتوں نے اس کے عدم ملوث ہونے کے دعوے کی تائید کی۔