ماں کا نام اور بیوی کا ساتھ، کراچی کے مشہور چاند بھائی سوپ والے کی کہانی

شہر قائد میں یخنی سوپ کے حوالے سے مشہور چاند بھائی نے ڈائیلاگ پاکستان کو کراچی کی گمنام کہانیوں کے سلسلے میں شروع ہونے والی سیریز میں انٹرویو دیا۔

انہوں نے بتایاکہ چاند میری والدہ کا نام ہے جبکہ بیوی نے سوپ کے کام میں نہ صرف ساتھ دیا بلکہ محنت بھی کی۔

اُن کا کہنا تھا کہ عبدالرحمان چوہان میرا نام اور عمر 60 سال ہے، میرے دو بیٹے، دو بہوئیں، پوتا پوتی اور بیٹی ہے۔

عبدالرحمان کے مطابق انہوں نے لیتھ مشین، فولڈنگ کرسیاں اور مختلف کام کیے پھر بچے کے رکھے ہوئے 55 روپے سے آغاز کیا اور گرمیوں میں جوس بھی فروخت کیا۔

انہوں نے بتایا کہ بکرے کی یخنی 50 روپے میں فروخت کی، لوگوں کو پسند آئی اور پھر اللہ نے ایک سلسلہ بنادیا۔

چوہان نے بتایا کہ انہوں نے ڈیڑھ روپے سے سوپ کا پیالہ فروخت کرنا شروع کیا اور اب قیمت 300 روپے تک پہنچ گئی ہے، اہلیہ اُس وقت سے ساتھ دے رہی ہیں۔ انہوں نے اپنی بیوی سے محبت کا اظہار کرتے ہوئے کہا کہ میری دعا ہے کہ یہ ہمیشہ رہے اور اللہ ہم دونوں کو ساتھ اپنے پاس بلائے۔