آسٹریلیا میں ڈونٹس بھری وین لوٹنے پر خاتون گرفتاد

آسٹریلوی خاتون نے 10 ہزار کرسپی کریم ڈونٹس سے بھری ایک ڈیلیوری وین چوری کرلی۔

بین الاقوامی میڈیا کی رپورٹ کے مطابق  10 ہزار ڈونٹس سے بھری ڈیلیوری وین چوری کرنے والی خاتون کو پولیس نے گرفتار کرلیا۔

پولیس کے مطابق سڈنی کے مضافات میں ڈلیوری والی ایک وین پیٹرول پمپ پر رکی تو موقع ملتے ہی 28 سالہ خاتون اس کے اندر داخل ہوئی اور وین لے کر فرار ہوگئی۔سی سی ٹی وی فوٹیج کی مدد سے ایک ہفتے بعد وین تو ایک پارک سے مل گئی لیکن وین میں موجود ہزاروں ڈونٹس خراب ہوچکے تھے۔

رپورٹ میں بتایا گیا ہے کہ خاتون کی ضمانت مسترد کر دی گئی ہے اور اسے گاڑی چوری اور بغیر لائسنس ڈرائیونگ کرنے کے الزامات کا سامنا ہے۔