منا بھائی کی طرح ڈاکٹر کراچی کے سرکاری اسپتال سے گرفتار، تہلکہ خیز انکشافات

کراچی کے دوسرے بڑے سرکاری اسپتال سول میں ایک چونکا دینے والا واقعہ پیش آیا جس میں سیکیورٹی گارڈ نے بیکری ملازم کو ایمرجنسی سے پکڑا جو منا بھائی ایم بی بی ایس کی طرح ڈاکٹر بننے کا خواہش مند اور مریضوں کا معائنہ کررہا تھا۔

سیکیورٹی گارڈ کا کہنا ہے کہ اُس نے تین ماہ پہلے بھی مذکورہ شخص کو متنبہ کر کے واپس بھیج دیا تھا تاہم گزشتہ روز وہ ٹراما سینٹر کی ایمرجنسی میں داخل ہوا اور ڈاکٹر بن کر مریضوں کے حال چال پوچھ کر انہیں نسخے لکھے۔

جعل ساز کی شناخت عبداللہ کے نام سے کی گئی ہے، مذکورہ شخص ڈاکٹر کا گاؤن پہن کر ہسپتال میں گھوم رہا تھا۔ گاؤن کے ساتھ اس نے ٹائی بھی لگائی ہوئی تھی۔ 

سیکیورٹی گارڈز کے مطابق عبداللہ کو شک کی بنیاد پر پکڑا گیا اور تفتیش پر معلوم ہوا کہ وہ ڈاکٹر نہیں بلکہ مقامی بیکری کا ملازم تھا۔ 

وائرل ویڈیو میں ملزم نے بتایا کہ وہ بچپن سے ہی ڈاکٹر بننا چاہتا تھا۔ تاہم، اس کے اقدامات نے حکومت کے زیر انتظام صحت کی سہولت میں طبی پیشہ ور افراد کی سلامتی اور صداقت کے بارے میں سنگین خدشات کو جنم دیا ہے۔

پولیس نے اس معاملے کی تفتیش شروع کر دی ہے تاکہ اس بات کا تعین کیا جا سکے کہ عبداللہ کی سرگرمیوں کی حد تک اور کیا وہ ڈاکٹر کے طور پر ظاہر کرتے ہوئے کسی غیر قانونی یا نقصان دہ عمل میں ملوث رہا ہے۔

خاندانی ذرائع نے یہ بھی بتایا ہے کہ عبداللہ کا ذہنی توازن ٹھیک نہیں ہے اور وہ ہر کچھ ماہ میں کوئی نہ کوئی نئی حرکت کرتا ہے۔

x.com

کراچی سول اسپتال کے ٹراما سینٹر سے "منا بھائی ایم بی بی ایس" پکڑا گیا ہے۔ جعلی ڈاکٹر کو بچپن سے ڈاکٹر بننے کا شوق تھا اسی لئے ڈاکٹر کا کورٹ پہن کر اسپتال میں داخل ہو جاتا ہے۔#Karachi pic.twitter.com/rxJg0kfEY6

— Ali Safina (@Alisafinas1) June 28, 2024