پارلیمنٹ ہاؤس میں چوہوں کے خاتمے کیلیے لاکھوں روپے مختص، بلیوں کی خدمات لی جائیں گی

پارلیمنٹ ہاؤس میں چوہوں کی بہتات کے باعث لاکھوں روپے کا بجٹ منظور کرلیا گیا ہے جس کے تحت تربیت یافتہ بلیوں کو شکار کیلیے لایا جائے گا۔

کپیٹل ڈویلمپنٹ اتھارٹی (سی ڈی اے) نے پارلیمنٹ ہاؤس کی چھتوں پر موجود چوہوں سے نجات پانے کیلیے ایک سمری پیش کی جسے منظور کرلیا گیا ہے۔

سمری میں بتایا گیا ہے کہ پارلیمنٹ ہاؤس کی چھت پر لگی سیلنگ میں چوہوں کا بسیرا ہے، جس سے چھٹکارے کیلیے تربیت یافتہ شکاری بلیوں کی خدمات حاصل کی جائیں گی، اس کے علاوہ جالی لگی خصوصی کڑیاں بھی بنوائی جائیں گی۔

سی ڈی اے نے اس منصوبے کیلیے 12 لاکھ روپے سے زائد کا بجٹ مختص کیا ہے،

ذرائع کے مطابق چوہے سینیٹ اور قومی اسمبلی کے مختلف شعبوں میں رات کے اوقات میں اپنا کام دکھاتے ہیں۔ کئی دفاتر میں چوہوں نے فائلیں کتر دی ہیں۔

سینیٹ اور قومی اسمبلی سیکریٹریٹ میں چوہوں کے خاتمے کے لیے سی ڈی اے کارروائی کرے گا اور اس سلسلے میں سی ڈی اے نجی شعبے کی بھی خدمات حاصل کرے گا۔