شہری کی جگہ رشوت کا میسج غلطی سے افسر کو بھیجنے والا اے ایس آئی گرفتار

پنجاب میں شہری سے رشوت مانگنے والا پولیس کا اے ایس آئی ڈرامائی انداز سے گرفتار ہوگیا۔

تفصیلات کے مطابق لاہور اے وی ایل ایس کے اے ایس آئی نے وسیم نامی شہری سے رشوت کا مطالبہ کیا اور رشوت کا میسج شہری کے بجائے اعلیٰ افسر کو بھیج دیا۔

اعلی افسر نے واقعے کی تحقیقات کیں اور فوری کارروائی کرتے ہوئے اے ایس آئی وسیم کو حوالات میں بند کر کے خلاف مقدمہ درج کرلیا گیا ہے۔

ڈی آئی جی آرگنائزڈ کرائم یونٹ کے مطابق کوئی بھی رشوت لیتے ہوئے پکڑا گیا تو اس کے خلاف سخت کارروائی ہوگی۔