آج پھر سونے کی قیمت میں اضافہ ہوگیا

کراچی : آج پھر کاروباری روز کے دوران سونے کی فی تولہ میں بڑا اضافہ ہوا، فی تولہ قیمت 2 لاکھ 90 ہزار کے قریب پہنچ گئی۔

ذرائع کا کہنا ہے کہ بین الاقوامی مارکیٹس اور پاکستانی صرافہ بازاروں میں سونے کی قیمت تاریخ کی بلند ترین سطح پر پہنچ گئیں۔

پاکستان میں فی تولہ سونے کی قیمت میں 2900 روپے اضافے کے ساتھ 2 لاکھ 89 ہزار چھ سو روپے پر پہنچ گئی۔

جبکہ دس گرام سونا 2486 روپے اضافے کے ساتھ دو لاکھ 38 ہزار 285 روپے کا ہو گیا۔

بین الاقوامی مارکیٹ میں سونے کی قیمت میں 29 ڈالر فی اونس کا اضافہ ہوا، جس کے بعد بین الاقوامی مارکیٹ میں سونا بلند ترین سطح 2772 ڈالر پر پہنچ گیا۔