دسمبر میں ملک بھر کیلیے بجلی سستی جبکہ کراچی کیلیے 3 روپے مہنگی ہوگی

کراچی والوں کیلیے بُری خبر یہ ہے کہ ملک بھر کیلیے دسمبر میں بجلی سستی جبکہ کے الیکٹرک صارفین کیلیے مزید تین روپے مہنگی ہوجائے گی۔

دسمبر میں کے الیکٹرک اپنے ذائع سے بجلی کی پیداوار کا اضافی بوجھ صارفین پر ڈالے گا اور ماہانہ ایڈجسٹمنٹ کی مد میں صارفین سے 3 روپے تین پیسے اضافی وصول کیے جائیں گے۔

رواں ماہ کراچی والے جولائی کی ماہانہ ایڈجسٹمنٹ کی مد میں 3 روپے 3 پیسے فی یونٹ اضافی ادا کریں گے، جبکہ کے۔الیکٹرک صارفین کو رواں مالی سال کی پہلی سہ ماہی کی ایڈجسٹمنٹ میں 20 پیسےفی یونٹ الگ سے ادا کرنے ہوں گے۔

ذرائع کے مطابق رواں ماہ کے۔الیکٹرک صارفین کو ایک ماہانہ اور ایک سہ ماہی ایڈجسٹمنٹ کا بوجھ برداشت کرنا ہوگا، تاہم کراچی کے سوا ملک کے باقی بجلی صارفین کو دسمبر میں اکتوبر کی ماہانہ ایڈجسٹمنٹ کا ایک روپے 14 پیسے فی یونٹ ریلیف ملےگا۔