ہفتے کے روز سونے کی قیمت میں ہزار روپے سے زائد اضافہ ریکارڈ

عالمی اور مقامی صرافہ مارکیٹ میں سونے کی قیمت میں اضافہ ریکارڈ کیا گیا ہے۔

تفصیلات کے مطابق ہفتے کے روز بین الاقوامی بلین مارکیٹ میں فی اونس سونے کی قیمت 14ڈالر کے اضافے سے 2690ڈالر کی سطح پر آگئی۔

بلین مارکیٹ میں اضافے  کے باعث مقامی صرافہ مارکیٹوں میں بھی ہفتے کو 24قیراط کے حامل فی تولہ سونے کی قیمت 1400روپے کے اضافے سے 280800روپے پر پہنچ گئی۔

فی دس گرام سونے کی قیمت بھی 1201روپے کے اضافے سے 240741روپے کی سطح پر آگئی۔

اس کے برعکس فی تولہ چاندی کی قیمت بغیر کسی تبدیلی کے 3350روپے اور 10گرام چاندی کی قیمت بھی بغیر کسی تبدیلی کے 2872.08روپے کی سطح پر مستحکم رہی۔