حکومت کا پیٹرول سبسڈی کے لیے موبائل ایپ متعارف کرانے کا فیصلہ

وفاقی حکومت کی ہدایت پر وزارتِ انفارمیشن ٹیکنالوجی نے پیٹرول سبسڈی کی فراہمی کے لیے ایک موبائل ایپ تیار کر لی ہے، جو اس وقت آزمائشی مرحلے میں ہے۔

ذرائع کے مطابق یہ سبسڈی زیادہ تر موٹر سائیکل اور رکشہ صارفین کو مدنظر رکھ کر دی جائے گی، جبکہ عالمی سطح پر تیل کی قیمتوں میں اضافے کا بوجھ دیگر صارفین کو منتقل کیا جا سکتا ہے۔

حکام کا کہنا ہے کہ موٹر سائیکل سواروں کے لیے ماہانہ 20 لیٹر تک سبسڈی دینے کی تجویز زیر غور ہے، جبکہ ملک بھر کے ہزاروں پیٹرول پمپس پر سبسڈی والے پیٹرول کے لیے علیحدہ نوزلز مختص کیے جائیں گے۔ ہر پمپ پر موبائل فون کے ذریعے ایپ سسٹم کے تحت پیٹرول کی فراہمی ممکن بنائی جائے گی۔