حکومت نے خاموشی سے فیملی پنشن میں بڑی تبدیلی کردی

وفاقی حکومت نے فیملی پنشن میں بڑی تبدیلی کردی جس کے تحت اب چھوٹے بچوں کو صرف 21 سال کی عمر تک پنشن دی جائے گی۔

تفصیلات کے مطابق حکومت کے فیصلے پر وزارت خزانہ نے نوٹی فکیشن جاری کردیا جس کے مطابق فیملی پنشن کے اہل بچوں کو صرف 21 سال کی عمر تک ہی پنشن ادا کی جائے گی اور اس عمر کے بعد وہ اہل نہیں ہوں گے۔

نوٹی فکیشن کے مطابق چھوٹے بچوں کو 23 اکتوبر2023 کو جاری کردہ آفس میمورنڈم میں وضع کردہ اہلیت کے معیار اور ترجیح معیار کے مطابق معمول کی فیملی پنشن ملے گی۔

رپورٹ کے مطابق اگر چھوٹا بچہ اسی عرصے میں بالغ ہوجائے گا تو وہ فیملی پنشن کے اہل نہیں رہے گا تاہم اگر فیملی پنشن لینے والی بیوی فوت ہوجاتی ہے تو اس صورت میں دوسرا فیملی ممبر فیملی پنشن کا اہل ہوگا۔

بیوی کی وفات کے بعد فیملی پنشن کے اہل قرار پانے والا دوسرا اہل فیملی پرسن دس سال تک یا دس سال کی باقی ماندہ مدت تک پنشن لے سکے گا۔

نئی تبدیلی کے مطابق بیوی کی وفات یا فیملی پنشن کی نااہلیت کے بعد فیملی پنشن کا دورانیہ دس سال ہوگا۔