حکومت نے پیٹرول کی قیمت کا اعلان کردیا

اسلام آباد: وفاقی حکومت نے پٹرول کی قیمت برقرار جبکہ ہائی اسپیڈ ڈیزل کی قیمت میں دو روپے فی لیٹر کمی کردی ہے۔

 عالمی منڈی میں تیل کی قیمتوں میں کمی کے باوجود پاکستان میں قیمتوں میں کمی کا پورا فاعدہ عام کو منتقل نہیں کیا گیا اور آئل کمپنیوں و ڈیلرز کے منافع و مارجن کو بڑھا کر انہیں دائرہ پہنچایا گیا ہے۔

 عوامی و سیاسی ردعمل سے بچنے کیلئے حکومت ڈی ریگولیٹڈ آئٹمزمٹی کے تیل اور لائٹ ڈیزل آئل کی قیمتوں میں کمی کا اعلامیہ جاری کردیا۔

 وزارت خزانہ کی طرف رات گئے جاری کردہ نوٹیفکیشن کے مطابق پٹرول کی قیمت برقرار رکھی گئی ہے جبکہ ہائی اسپیڈ ڈیزل کی قیمت میں دو روپے فی لیٹر کمی کردی گئی ہےقیمتوں کا اطلاق فوری طور کردیا گیا ہے۔

اعلامیے کے مطابق قیمتیں اگلے پندرہ روز تک لاگو رہیں گی۔

وزارت خزانہ کے مطابق ہائی اسپیڈ ڈیزل کی قیمت 256.64روپے سے کم کرکے254.64روپے فی لیٹر کردی گئی ہے تاہم پٹرول کی قیمت 252.65روپے فی لیٹر ہی برقرار رکھی گئی ہے۔

اسی طرح مٹی کے تیل کی قیمتوں میں پانچ روپے چار پیسے جبکہ لائٹ ڈیزل آئل کی قیمت میں چار روپے68پیسے فی لیٹر کمی کی گئی ہے۔

مٹی کے تیل کی قیمت 169.69روپے سے کم کرکے 164.65روپے جبکہ لائٹ ڈیزل آئل کی قیمت میں 155.33 روپے سے کم کرکے 150.65روپے فی لیٹر کردی گئی ہے۔