ملک میں سونے کی مجموعی درآمدات میں تاریخی اضافہ

کراچی: ملک میں سونے کی مجموعی درآمدات تاریخ کی بلند ترین سطح پر پہنچ گئیں ہیں۔

ادارہ شماریات کی جانب سے جاری کردہ دستاویز کے مطابق نومبر میں کسی بھی ماہ سے زیادہ 68 کلو سونا ملک میں درآمد کیا گیا، اکتوبر کے مقابلے میں نومبر میں سونے کی درآمدات میں 179.74 فیصد اضافہ ریکارڈ ہوا ہے۔

دستاویز میں بتایا گیا کہ نومبر میں سونے کی درآمدات میں سالانہ 55.76 فیصد اضافہ ہوا ہے، جبکہ نومبر میں سونے کا درآمدی بل 60 لاکھ 73 ہزار ڈالر ریکارڈ کیا گیا۔

دستاویز کے مطابق اکتوبر میں 24 کلو، ستمبر میں 55 اور اگست میں 22 کلو سونا درآمد کیا گیا تھا، جولائی میں 28 کلو، فروری میں 23، جنوری میں 19 کلو سونا درآمد کیا گیا، رواں سال مارچ، اپریل، مئی اور جون میں سونا درآمد نہیں کیا گیا تھا۔