ملک میں سونے کی قیمت میں مزید اضافہ ہوگیا

کراچی: آج کاروباری ہفتے کے پہلے روز کے دوران ملک میں ایک بار پھر سونے کی قیمت میں اضافہ ہوا۔

آل پاکستان جیمز اینڈ جیولرز ایسوسی ایشن کا اس حوالے سے کہنا ہے کہ پاکستان میں سونے کی فی تولہ قیمت 1500 روپے اضافے کے ساتھ 3 لاکھ 9 ہزار 500 روپے پر پہنچ گئی۔

رپورٹس کے مطابق اسی طرح 10گرام سونا 1286 روپے اضافے کے ساتھ 2 لاکھ 65 ہزار 346 کا ہوگیا۔

عالمی مارکیٹ میں بھی گولڈ کی قیمت میں اضافہ ہوا، سونا 13 ڈالر اضافے سے 2948 ڈالر فی اونس کا ہوگیا۔