مشہور برگر کے کباب کیلیے گدھے کا گوشت چین بھیجنے کا فیصلہ

پاکستان مقبول برگر کے لیے گدھے کا گوشت اور کھالیں چین کو برآمد کرے گا کیونکہ چین اور پاکستان نے حال ہی میں ایک معاہدے پر دستخط کیے ہیں۔

اے پی پی کے مطابق یہ معاہدہ چینی وزیراعظم لی کیانگ کے شنگھائی تعاون تنظیم (ایس سی او) کے اجلاس کے لیے پاکستان کے دورے کے دوران ہوا تھا۔

یہ معاہدہ، پاکستان کی وزارت قومی غذائی تحفظ اور تحقیق اور چین کی جنرل ایڈمنسٹریشن آف کسٹمز کے درمیان، برآمدات کی ضروریات پر زور دیتا ہے۔

گدھے کا گوشت چین میں ایک مقبول پکوان ہے اور اسے عام طور پر مختلف کھانوں میں استعمال کیا جاتا ہے، جس میں معروف 'ڈونکی برگر' بھی شامل ہے۔ یہ سینڈوچ صوبہ ہیبی کے باؤڈنگ اور ہیجیان جیسے علاقوں میں ایک اہم غذا ہے۔