نئے سال کی آمد، ایل پی جی کی قیمت کم کردی گئی

کراچی : نئے سال کی آمد کے موقع پر مائع پیٹرولیم گیس (ایل پی جی) کی قیمت میں کمی کردی گئی۔

ذرائع کے مطابق آئل اینڈ گیس ریگولیٹری اتھارٹی نے یکم جنوری 2025 سے ایل پی جی کی نئی قیمتوں کا نوٹیفکیشن جاری کردیا۔

نوٹیفکیشن میں کہا گیا ہے کہ فی کلو ایل پی جی 4 روپے 2 پیسے سستی کی گئی ہے جس کے بعد نئی قیمت 250 روپے 28 پیسے ہوگی۔

نوٹیفکیشن کے مطابق یل پی جی کا 11.8 کلوگرام کا گھریلو سلنڈر 47 روپے 43 پیسے سستا ہوگیا اور ایل پی جی کے گھریلو سلنڈر کی قیمت جنوری کیلیے 2953روپے 36 پیسے مقرر کردی گئی ہے۔