پیٹرول کی قیمت بڑھنے سے مہنگائی میں بڑا اضافہ

پیٹرولیم مصنوعات کی قیمتوں میں اضافے کے اثرات سامنے آنے لگے۔

نئے مالی سال کے تیسرے ہفتے میں بھی مہنگائی میں اضافہ جاری رہا جبکہ ہفتہ وار بنیاد پر مہنگائی کی شرح 0.38 فیصدبڑھنے کے بعد مجموعی سالانہ شرح منفی 1.61 فیصد پر آگئی۔

وفاقی ادارہ شماریات نے مہنگائی سے متعلق ہفتہ وار رپورٹ جاری کردی، جس کے مطابق ایک ہفتے میں 22 اشیائے ضروریہ کی قیمتوں میں اضافہ ہوا۔

9 اشیا سستی ہوئیں، 20 اشیا کی قیمتوں میں استحکام رہا۔

رپورٹ کے مطابق حالیہ ہفتے ڈیزل 4.15 اور پیٹرول کی قیمت 2 فیصد بڑھ گئی، ایک ہفتے میں چکن 8.31 اور انڈے5.87 فیصد مہنگے ہوئے جبکہ پیاز 1.76 اور آلوکی قیمت میں1.46 فیصد کا اضافہ ہوا۔

ادارہ شماریات کی رپورٹ کے مطابق ایک ہفتے میں لہسن کی قیمت میں 1.70 فیصد کا اضافہ ہوا تاہم ٹماٹر، آٹا، کوکنگ آئل، چینی اور ایل پی جی کی قیمتوں میں کمی ہوئی۔