قومی بچت اسکیموں پر منافع کی شرح میں کمی کا اعلان

وفاقی حکومت نے قومی بچت اسکیموں پرشرح منافع میں ڈیڑھ فیصد کمی کا اعلان کردیا ہے۔

محکمہ قومی بچت حکام کے مطابق تین مختلف اسکیموں پر منافع کے نئے ریٹ طے کیے گئے ہیں، جس کے مطابق سیونگ اکاؤنٹس پرشرح منافع ڈیڑھ فیصد کم کرکے 19 فیصد مقرر کردیا گیا ہے۔

اسی طرح شارٹ ٹرم سیونگ سرٹیفکیٹ پرشرح 1.34 فیصد کم کرکے 17.90 فیصد  اور سروا اسلامک سیونگ اکاؤنٹس پرشرح منافع ڈیڑھ فیصد کمی سے19 فیصد مقررکیا گیا ہے۔

اعلامیے کے مطابق قومی بچت کی دیگرتمام اسکیموں پر شرح منافع برقرار رکھی گئی ہے۔