سونا آج مزید سستا ہوگیا

کراچی: آج کاروباری روز کے دوران سونے کی قیمت میں مزید کمی واقع ہوگئی۔

پاکستان میں فی تولہ سونے کی قیمت میں 300 روپے کی کمی ہوئی ہے جس کے بعد سونا 3 لاکھ 58 ہزار 165 روپے فی تولہ ہو گیا ہے۔

ایسوسی ایشن کا کہنا ہے کہ اسی طرح 10 گرام سونے کا بھاؤ  257 روپے کم ہوکر 3 لاکھ 7 ہزار 68 روپے کا ہوگیا ہے جبکہ عالمی مارکیٹ میں سونا 3 ڈالرز کمی سے 3366 ڈالر فی اونس کا ہوگیا ہے ۔

واضح رہے کہ سونا خریدنا روایتی طور پر محفوظ سرمایہ کاری سمجھا جاتا ہے جس کی قیمت افراط زر، سیاسی اور معاشی عدم استحکام کے اوقات میں بڑھ جاتی ہے۔